| 新既學期又開始啦~中七了~
咁快就讀完中學啦~我覺得我好似岩岩先小學畢業呀~
7ck2....都係差唔多人~係冇左昆倫~唉~
祝佢前程錦繡!!
今年黎左5個repeat+2個其他學校黎既中六升中七生
有對口罩夫婦真係勁...依家都未同佢地講過野~但佢地就坐係我前面= =
我只係見過個男既真面目....女既真係未見過....
同左兩個repeat既女生fd左~阿寶+karen~哈哈
我同阿寶真係特別有緣呀~哈哈
開左學個幾星期......都係咁過~
but尋日有個大彈來了~jupas~
煩...因為覺得自己choose左咩科都冇用~因為都考唔到啦
but唔choose又唔得~所以好煩~
我向阿寶問左好多問題.....我諗佢都覺得我煩啦~哈哈
佢都答左我好多問題啦~thx佢了~我都問夠了~
希望有人可以俾多d意見我啦~唔夠膽同媽講~
費事媽又話我了~又唔想佢老人家煩~
今日表妹入左黎搵我補下econ~係指點下only~邊有力量去教人~
哈哈~原來新高中既econ真係融合左少少中六既課程~我都順便溫書啦~
希望表妹唔好覺得我好煩就得了~以後有咩都可以問我的....哈哈
|
| |
| 又差唔多成個月再打一次xanga啦
20090827
今日同左家肥的家人+june+kelly+dicky去左e-max碌0~
個0場真係好靚呀~唉呀~我地係正邊邊位~
大家一開始都係落坑.....哈哈
june雖然遲左黎~but好大力呀佢~
d球速好快~20幾囉....
我就得個10幾~但我唔落坑...哈哈!!!
碌0真好玩~~
家肥真係好勁.....佢居然走去問隔離拎既勁人叔叔點打得好d.....
果然係有勇氣呀~
之後返左德福~上左冒險樂園~
玩籃球機....矮婆真係冇用的~
唔夠高呀~唉....
成年冇打過籃球了~生疏了
我寧願去玩低能版碌0了~至少有飛出嘛~哈哈
玩完真係累死了!!!
家肥︰I'm gonna be with you, I'm gonna be with you, I wanna be with you~~哈哈!! |
| |
| 都係寫下最近發生既事
自從係上海返黎之後...就冇左睇過烈火3了
因為實在睇到眼火爆~不如改名做烈火愛情....
成班人假借救火之名，實為談情之主~有冇搞錯
唔該唔好整烈火4啦~唔好再整衰烈火系列~
因為今集(6號晚)係鍾有成要截肢既一集
所以都由atv轉返去tvb.....但見到對狗男女....
真係冇名火起....成集都見到牛哥成個小丑咁
係度乞求囧囧既愛~真係心都痛囉....又忍唔住大罵個電視機一餐~
最後牛哥重要連腳都冇左~對狗男女重可以一齊落去.......
寫到佢地兩個平時好似聖人咁......佢地個良心過意得去嗎??
成日都覺得tvb係想整死胡囧囧咁.....次次d角色都係白痴又低b~
but佢有接班人啦~陳茵微重衰過佢啦~重要係一個白痴既男人婆= =
講開劇集.....隔離台既媽媽發爛渣真係好睇好多
but大部分人都覺得atv播既片都係爛片~真奇怪
atv同tvb未又係買外面d劇播.....所以佢地只不過係一個播放既媒介
話唔好睇....就應該針對套劇...
唔通套劇law左去atv播會播左唔好睇?!係tvb播就特別好睇?!
但不得不提tvb既力量.....tvb朝頭早播既劇同凌晨播既片.....都會有好多人睇~哈哈
最近屋企有大陸電視台重播"惡魔在身邊"...睇左少少啦~
我之前都未睇過......but我覺得d鏡頭真係好偶像劇呀
d劇情又係......哈哈~太夢幻了!!睇到毛都豎起了= =
近期要最期待既劇都係大陸既"一起來看流星雨".....
雖然話唔係流星花園既大陸版....but都係抄= =山寨版~
雖然我亦都冇中意過任何一位飾演4位公子既男明星們....亦只係睇過台灣+韓國幾集~
但想睇下我地偉大既祖國可以拍成點.......聞說連入面4個有錢仔用既車都係國產車= =
唔係嘛~有錢人喎~真係脫離現實了~我係上海幾乎見唔到咩國產車~
最多既係奧迪....其次就係日本車~連"北京現代"都有.......
而且d男主角既造型都幾恐怖.......諗下我地偉大既祖國點出醜吧~
宅女在家就只可以睇劇了....冇野做
|
| |
| 20090720~20090724 華東之旅
今次去既主要原因係日全蝕.....好開心~
但我媽臨出發前重好擔心天狗食日~會唔好呀~激死我
又話驚水災呀....咩都好驚~天狗食日唔老禮~
好彩個莫拉菲黎得快走得快.....九號風球我棟樓郁呀~嚇死我
之後重連line都on唔到~哈哈!!
trip day1+2 杭州的兩日~
今日冇訓覺~因為飛0800...所以要搭0400班n42a出去~
我地老早就落去啦~成街都係樹枝囉.....
原來班車都好多人搭架...係返工既人~
去到機場...得大快活開左~所有人都去個度食早餐~
近來兩次去都冇行過機場...一係太夜，一係太早~
上左飛機....哈哈~好開心~有獨立電視呀~
我睇左百萬大明星~but好舊的~嘉賓係鄭中基~
而且有好多音樂聽......咩都有...廣東、國、日、韓、各種英文、連印度都有~
但個飛機餐no good囉~算啦...而且早餐冇雪糕食...唉呀!
去到杭州個陣~望落個地面好靚呀~d屋好童話feel~
但個機場同d農田好近囉~而且個蕭山機場好細呀~
得一條行李帶~冇咩機啦~
但係...最勁係當時只係10點幾.....已經39度啦~
係機度真係聽到O咀囉~哈哈~
落左機....先發覺我地團有好多老爺爺奶奶~得一兩個~(即係同我差唔多既)
個旅遊車好舒服呀~又好靚~
第一站就去西湖~真係好靚呀~
but真係好熱......又好曬~好彩我帶左個面罩...所以臉就唔使塗防曬液~
隻手就要啦~唔係就一定會曬傷~
d相就睇fb啦~
今次係杭州兩日....因為睇日蝕既地方係好近杭州既~
反而重好..因為西湖好多景點~咁樣就去得好detail~
trip day3 日全蝕既正日
今日就係正日.....全團既重點....日全蝕
點知前兩日咁曬...今日竟然落雨囉~唉呀
開始左日蝕重係陰天////但其實重好
因為咁樣就可以用黑超睇..唔使用特製眼鏡睇
重有個度有好多外國人同日本人~
d外國人真係relax架~直接坐+訓係d濕既地上面
日本人就唔同啦~好乾淨~
but d日本女人都化大濃妝~塊面重白都好似鬼咁.....
睇完日蝕就等睇觀湖~等到訓著覺呀~
咁重好...冇咁熱~
睇完之後~就去蘇州啦~
蘇州最出名既除左屎~就係靚女啦~
原來所言非虛~我地個導遊好靚女呀~把聲又嗲~
真係佢講咩...我都好想答︰好呀!!!!
but真係落蘇州屎~超大雨....
我成對波鞋濕晒= =救命~
trip 4+5 蘇州+上海
今日去個3個蘇州景點....原來係一齊既~
車都唔使搭，行過去就得~
天氣都唔錯既~陰天就冇咁熱
之後就去上海~
反而我覺得上海真係悶~同hk差唔多囉~高樓大廈
夜晚就黃浦江夜遊~遊客既指定動作
but hk真係靚好多囉~唉
今晚就真係黑仔~話說我係自己一個人一間房(由於女團友4晚都冇黎同我一齊訓)
點知係上海既呢間酒店...我間房冷氣係壞左~
我係3點幾先熱醒~之後就訓唔番~
諗住第二日(day5)係車上面訓啦~點知我個導遊(唔係蘇州靚女)為左介紹d貔貅
就勁講(其實佢由杭州講到上海，講足5日)....重越講越興奮囉~
煩死我.....幾乎發脾氣了~
over all....
今次旅程除左日全蝕非常之咁值得記住....重有酒店房~
個邊既酒店房好得意~廁所係見到d床~
即係中間冇牆~係一塊玻璃~係可以互相睇到(可以上我fb睇下d相)
真係覺得好搞笑.....搞到好似架步咁囉~
就係落左簾~都見到影既~好冇私隱~
唔通d酒店係覺得個個訓雙人房既都係情侶?!fd都覺得害羞啦~
訓左3間酒店...最靚+舒服都係杭州間holiday inn~
果然國際品牌真係靚d既~
上海間寶隆美爵酒台個間就唔得....唔係得我一間房個冷氣壞左~
重有團友間房入面有垃圾囉~真係好過份= =
|
| |
| 今日美其名係幫表妹慶祝，但其實只係想唱k......(講笑)
結果ka、表妹同我就走左去旺中neway唱k啦~
去到....俾左間大房我地三個...大得空洞
我唱左多首飲歌呀...其實係快歌我都得~
迷魂計....表妹唔明點解我地識唱......"因為我中三個陣都迷佢地"~
我是傳奇....哈哈////我居然唱到啦~奇怪極了!
tell me~我太熟了....rap!!
事實證明我唱男人歌比較好~
想唔到我唱歌既聲音係沉既~~
之後唱d舊歌....表妹都唔識~我同ka真的老了@@
我難過....哈哈~表妹連mvp情人都唔知....
重有she既舊歌...戀人未滿~表妹都唔識......
不是每個戀曲都有美好回憶....哈哈哈~次次都唱.....
重有一首energy既~唔知點解我識唱囉....搞笑~
重有...原來我係唔識唱慢歌架.....慢歌白痴~
要聽下慢歌啦~
但係今次只係唱到獨自去偷歡&吉祥三寶....唱唔切愛情陷阱~
吉祥三寶重係蒙古語版~~哈哈~
我要去唱愛情陷阱!!!!
重有...俾ka fake左~原來我地間房大到有獨立廁所...
ka fake我地去出面個廁所....自己就叻到入左去房入o個個~
今日真係俾人fake左幾人次~唉@@
|
| |
